monumenta.ch > Hildebertus Cenomanensis > sectio 136
Word Selection for Searching
Report an Error in this Sectio
Hildebertus Cenomanensis, Sermones, p2, 68, 136
Est vox eadem, ut dixi, spiritus humani in die obitus sui, quando scilicet evolat de corpore mortis huius, tanquam liber de carcere, et clamat: Nunc scio vere, etc., et eripuit me de manu Herodis, id est pellicii, id est corporis; pellicius enim dicitur a pelle, et de omni exspectatione plebis Iudaeorum, id est membrorum, quibus ministris militat caro adversus me; eripuit enim oculos meos a lacrymis, pedes meos a lapsu, aures a fabulis, linguam a mendacio, manus a rapina.